Nafarroako Kutxa Fundazioak eta “la Caixa" Fundazioak sustatutako Innova programa 2017an sortu zen, proiektuei laguntza emateko bokazioarekin, Nafarroako Foru Erkidegoaren garapen berritzaileago, inklusiboago eta sozialago baten alde egiteko, Nazio Batuen 2030eko Agendak definitutako Garapen Jasangarrirako Helburuekin bat etorrita.

Programak, zeinak Nafarroako Foru Erkidegoaren lurraldea baitu ardatz, bi esku hartze arlo handi, gizartea eta kultura, lantzen ditu, bi helburu lortzeari begira: eraldatzeko bokazioa duten proiektu berritzaileak bultzatzea, eta sektore bakoitzaren ehuna indartzea, lotzea eta profesionalizatzea.

Prestakuntza ekimenak proposatzen dira, gogoetarako espazio kritikoak sustatzen dira, eta helburuekin bat datozen proiektu eta ekimenetarako laguntza ekonomikoak bultzatzen dira.

Nafarroako gizarte eta kultura sektorea indartzearen aldeko apustua egiten dugu, proiektu handinahiago, berritzaileago, jasangarriago eta eskalagarriagoen diseinua bultzatuz, teknika, tresna eta jardunbide egokien ezagutzaren bidez.

Bi sektoreetako profesionalen, erakundeen eta enpresen arteko topaketak sustatzen dira, ezagutzak elkar trukatzeko eta jardunbide egokiak martxan jartzeko; horrela, lankidetzak eta trukeak eskuratuko ditugu, inpaktu berritzailea eta eraldatzailea izango duten proiektuak hobetze aldera.

Innova Social eta Innova Cultural programek, Nafarroako Kutxa Fundazioak eta “la Caixa” Fundazioak elkarrekin sustatzen dituztenek, Nafarroako gizarte eta kultura ehuna indartzea dute xede, haren hazkundea, berrikuntza, eraginkortasuna eta produktibitatea bultzatuz Nafarroako Foru Erkidegoaren kultura eta gizarte garapenaren mesedetan.

Bi fundazioek gizarte nahiz kultura sektorearen eragile aktibo izan nahi dute, inpaktu handiko eta bokazio eraldatzaileko programa berritzaileak babestuta.

Horrez gain, bi sektore horiek indartzeko bokazioa ere badu; hori dela eta, entzuteko prozesuak irekitzen dira, baita harreman eta gogoetarako espazioak ere. Horrela, Nafarroako errealitatea ezagutzen da, eta beharrezkoa den laguntza eta prestakuntza ematen zaie Nafarroan Innova komunitatea osatzen duten erakunde, eragile eta enpresa guztiei.

Era berean, Foru Erkidegoko pertsona guztientzako sarbidea eta inklusioa bultzatzen da, egoera zaurgarrian dauden pertsonei eta kolektiboei bereziki erreparatuta.